November 14, 2025
November 14, 2025

दुर्गा प्रसाईंसहित ५३ जनाको हिरासत अवधि दुई दिन थप

काठमाडौं, ८ जेठ – काठमाडौं जिल्ला अदालतले तीनकुने घटनाका मुख्य आरोपी दुर्गा प्रसाईंसहित ५३ जनालाई थप दुई दिन हिरासतमा राख्न अनुमति दिएको छ।

गत १५ चैतमा काठमाडौंको तीनकुनेमा राजावादीहरूले आयोजना गरेको प्रदर्शन हिंसात्मक हुँदा दुईजनाको ज्यान गएको थियो। घटनामा आगजनी र लुटपाटका घटना समेत भएका थिए। सोही दिनदेखि प्रहरीले केहीलाई नियन्त्रणमा लिई अनुसन्धान सुरु गरेको थियो।

जिल्ला प्रहरी परिसर काठमाडौंका प्रवक्ता अपिलराज बोहराका अनुसार अभियुक्तहरूमाथि आपराधिक उपद्रव, राज्यविरुद्धको कसुर, र संगठित अपराधका धाराहरूमा अनुसन्धान भइरहेको छ। विशेषगरी राज्यविरुद्धको कसुरमा २८ जनामाथि अनुसन्धान अघि बढाइएको छ।

१५ चैतको दिन दुर्गा प्रसाईंले निषेधित क्षेत्रतर्फ आफैं मोटरसाइकल चलाएर गएका थिए, जसका कारण भिड अनियन्त्रित बनेको प्रहरीले जनाएको छ। सो घटनापछि प्रसाईं भारततर्फ भागेका थिए। पछि प्रहरीले उनलाई पक्राउ गरी काठमाडौं ल्याएको हो।

समाचार

You May Also Like

ओडिशास्थित केआइआइटीमा दुई नेपाली छात्राको मृत्युपछि विद्यार्थी पठाउन रोक लगाउन सांसदहरूको माग

 नेपाली बजारमा सुन र चाँदीको मूल्यमा उल्लेख्य गिरावट

india/pakistan flag

भारत–पाकिस्तानबीच सैन्य झडप तीव्र: ‘अपरेशन सिन्दूर’ र ‘बुनयान-उल-मरसूस’ मार्फत आक्रमण र प्रतिआक्रमण

31 thoughts on “दुर्गा प्रसाईंसहित ५३ जनाको हिरासत अवधि दुई दिन थप”

Leave a Reply

Your email address will not be published. Required fields are marked *